Gustokoren bigarren edizioak 16.000 bisitaritik gora batu ditu BECen
GUSTOKO, martxoaren 2 eta 4 bitartean Bilbao Exhibition Centre-n egindako azokak 16.220 bisitari hartu ditu, hau da, 2016ko otsaileko lehenengo edizioan baino % 26 gehiago.
Aipatu beharra dago hainbat bisitari profesional aurkeztutako produktuak banatzeko merkataritzako harremanak egiteko asmoz hurbildu zirela azokara, eta baita merkataritza espezializatuko zein merkataritza-gune handien eta banatzaileen erosketa-zentralen hautatutako 35 eroslek eratutako ordezkaritzak ere hartu zuela parte, zeinak Alderantzizko Misioa programan parte hartu duten, erakusketariei elkarrizketak eta dastatze libreak eskaintzen zituena. Alderantzizko Misioan parte hartu duten enpresa parte-hartzaile erosle gehienak Euskaditik, Madrildik, Bartzelonatik, Zaragozatik, Balearretatik, Nafarroatik, Leonetik, Gironatik eta Kordobatik etorri ziren.
Gustoko 2018 azokak, Arantxa Tapiak, Eusko Jaurlaritzaren Ekonomiaren Garapena eta Azpiegituretako Sailburuak inauguratutakoa, 300 ekoizletik gora hartu zituen (aurreko edizioan baino % 50 gehiago), itsasoko eta lurreko elikagaiekin lotutako enpresa txiki fabrikatzaile eta erakundeak, hainbat Autonomia Erkidegotik etorriak, besteak beste, Euskadi, Kantabria, Asturias, 2 Gaztelak (Avila eta Burgos gehienbat), Extremadura, Katalunia, Errioxa, Murtzia, Galizia, Andaluzia, Aragoi, Nafarroa eta Valentzia.
Bestetik, eta standetan burututako salmentez gain, non bisitariek saltzen ziren produktuak dastatu eta erosteko aukera izan zuten, gehienak ohiko salmenta-guneetan saltzen ez direnak, azokak kultura jarduera anitzeko guztientzako programa zabala eskaini zuen. Hauek izan ziren, besteak beste, barne hartu zituen jarduerak: artisautza-produktuen aurkezpenak (torneaketa eta zura lantzea, forja, eltzegintza, euskal pilotaren fabrikazioa…), “kalejira”-k Folklore tradizionaleko hainbat talderekin, Show Cooking-eko 21 saio ESBHIk zuzenduta, hiru egunetan, Euskadi ziurtagiriko pintxoak eta edariak dastatzeko txosna, piknik zonak eta lurraldeko turismoari eskainitako gunea, gastronomia eta elikadurarekin lotutako eskaintza bistaratzeko, landa-ostatuko eskaintza zabalaz gain.
Gainera, hezkuntzarako gunea eta haurtzaindegia ere egon zen. Bertan, gerturatutako haurrek hainbat jarduera eta joko burutu zituzten, elikadurarekin eta ikasketarekin lotuta.
Gustoko feriako lehenengo edizioak 13.000 bisitari inguru batu zituen
Azokara hurbildu ziren pertsonak artisau eta biologiko diren hainbat produktuekin gozatzeko aukera izan zuten
Nahiz eta asteburu osoan euria jausi arren, Gustoko feriak, otsailaren 12tik 14ra BECen ospatu zena, 12.919 bisitari izan zituen, ohiko distribuzio kanaletan aurkitzen ez diren produktuak dastatzeko aukera izan zituztenak.
Gainera, nabarmendu behar dira azokara hurbildu ziren mila profesional inguru, 976 hain zuzen ere, aurkeztutako produktuen distribuziorako kontaktu komertzialak egiteko helburuarekin joan zirenak. Profesionalen %81a Euskal Autonomi Erkidegotik etorri zen, eta, gainerakoak, Kantabria, Gaztela-Lehoi, Nafarroa, Katalunia, Asturias, Errioxa, Aragoi, Galizia, Madril, Valentziar Erkidego, Balearrak, Murtzia, Extremadura, Andaluzia eta Frantziatik etorri ziren.
Gustoko Bittor Oroz Eusko Jaurlaritzako Nekazaritza, Arrantza eta Elikadura Politikako Kontseilariordeak inauguratu zuen, Jean Pierre Raynaud Akitaniako lehendakariordea eta Gianni Fava Lombardiako Nekazaritza Kontseilariarekin batera. Bertan, 235 erakusketari egon ziren, Gaztela-Lehoi, Gaztela-Mantxa, Galizia, Asturias, Andaluzia, Aragoi, Valentzia, Errioxa, Madril, Katalunia, Nafarroa eta Euskal Autonomi Erkidegoetatik eta Akitania (Frantzia) eta Lombardia (Italia) lurraldeetatik etorritakoak, azken hau lurralde gonbidatu bezala.
Bestalde, azokak ardo, gazta, Alaskako izokin, Kantauri Itsasoko antxoak, urdaiazpiko, ostrak eta beste hainbat dastatzeak izan zituen, tailerrak eta emanaldi musikalez gain. Horrez gain, Gustoko BEER azokaren lehenengo edizioa ospatu zen, non feriako egun bakoitzean garagardo desberdin bat ekoiztu baitzen.
Nabarmentzekoa da baita ere hezkuntza gunea, non hainbat neska eta mutilek elikadura eta ikaskuntzarekin erlazionatuta zeuden zenbait ekintza burutu zituzten. Aipatu behar da ere Nekaturrek bultzatutako lurraldeko turismo eta landa ostatuaren eremua, non bisitariek elikadura eta gastronomiarekin zerikusia zuen eskaintza turistikoaz gozatzeko aukera izan baitzuten.